O discurso do odio está cada vez máis presente na sociedade galega e española, debido á proliferación das fake news e á crispación social e política. Os medios de comunicación respaldan este tipo de discursos e nas redes socias compártense sen reflexión previa contidos moi perxudiciais para a paz social. A práctica xornalística devalúase cada día, moitas veces por non cumprir cos parámetros de profesionalidade e deontoloxía inherentes a esta actividade. Muda o conto chega para propor novas narrativas, discursos que chamen á responsabilidade, a inclusión, a empatía e o respecto.